一連兩場「關菊英溏心演唱會」前晚在紅館開鑼，現年49歲的菊姐，入行以來首度踏上紅館開個唱，當
晚吸引不少圈中人前來捧場，計有罕有露面的白雪仙、陳寶珠和兒子楊天經，拉姑和老公等等，而患病的肥姐雖未有現身，仍很有心送來花籃道賀。

菊姐毫不吝嗇展示美好身段，當晚穿上八套性感歌衫上陣，其中最性感是閃石bra-top裙，令身材呼之
欲出，當「大細契」司棋和菊姐再聚頭，司棋姐更大爆「細契」擁有如剝殼雞蛋的上圍，相當誘人。

事實上，年近半百的菊姐，身材保養的確不錯。司棋姐在台上說：「以前我們合拍《強人》時，無人會唔鍾意佢，因為佢好喜歡講笑，佢全身又白又均勻，臉上好似剝了殼的雞蛋，有次佢要着睡衣拍戲，前面開了好大的『V』字，我見到有四隻剝殼雞蛋係面前，好誘人好靚女；之後有場拍佢自殺的戲，講佢畀人抬出來，如果身體歪一歪便會跌出來（指胸部），所以提佢着番件睡袍，佢身材真係好好。」

《溏心風暴》一劇演員總動員上台唱歌和獻花之外，表演嘉賓尚有梁漢文和蘇永康、伍衛國，當林峯和鍾嘉欣合唱《心領》時，菊姐取笑他們道：「我無聽過你地唱Live，又真係得得地喎，觀眾好想睇你地拍拖。」
結婚唔怕生仔免了

之後夏雨與菊姐合唱《十八相送》，夏雨台上向菊姐說：「好多謝你畀機會我喺度唱
隻歌，我第一次畀了你，第時登台要帶埋我去。」

最鬼馬的是阮兆祥，祝菊姐「快點結婚，年生貴子。」菊姐即時：「啋，仲生到咩！」其後菊姐在台上多謝大家的支持，眼泛淚光。當菊姐接受訪問，自評當晚表現值80分左右，當被問到司棋大讚其皮膚像剝殼雞蛋，菊姐笑說：「當年我皮膚幾好，現在當然不及後生的時候，仲有祥仔祝我結婚生仔，我梗係啋啦，我都49歲，結婚就唔怕，生仔便不用了。」